'ગ્લોબલ ઈકોનોમી ક્રેશ થઇ રહી છે...', રોબર્ટ કિયોસાકીએ કહ્યું - પહેલા જ કરી હતી ભવિષ્યવાણી

‘ગ્લોબલ ઈકોનોમી ક્રેશ થઇ રહી છે…’, રોબર્ટ કિયોસાકીએ કહ્યું – પહેલા જ કરી હતી ભવિષ્યવાણી

Prepare Now, Wealth Follows: વિશ્વભરમાં મિડલ ઈસ્ટના યુદ્ધના કારણે વૈશ્વિક તણાવ ચરમસીમાએ છે, કાચા તેલના ભાવમાં સતત વધારો થવાથી ફુગાવાનો ખતરો મંડરાઈ રહ્યો છે અને શેરબજારોમાં ભારે અસ્થિરતાનો માહોલ છે. આ તમામ પ્રતિકૂળ પરિસ્થિતિઓ વચ્ચે વિશ્વ વિખ્યાત પુસ્તક ‘રિચ ડૅડ પુઅર ડૅડ’ના લેખક રોબર્ટ કિયોસાકીએ વૈશ્વિક અર્થતંત્રને લઈને ફરી એકવાર અત્યંત ડરામણી ચેતવણી આપી છે. સોશિયલ મીડિયા પ્લેટફોર્મ X પર તેમની એક લેટેસ્ટ પોસ્ટ ખૂબ જ ઝડપથી વાયરલ થઈ રહી છે, જેમાં તેમણે વૈશ્વિક અર્થતંત્ર સંપૂર્ણપણે ક્રેશ થઈ રહ્યું હોવાનો દાવો કર્યો છે.

રોબર્ટ કિયોસાકીએ આ વાયરલ પોસ્ટમાં લખ્યું છે કે, વૈશ્વિક અર્થવ્યવસ્થા અત્યારે પતનના આરે છે. મેં મારા પુસ્તક ‘રિચ ડૅડ્સ પ્રોફેસી’માં આ ભયંકર ક્રેશ વિશે ખૂબ જ પહેલાં ભવિષ્યવાણી કરી દીધી હતી. જે લોકોએ તે પુસ્તકમાં આપવામાં આવેલી માર્ગદર્શિકા અને સલાહનું પાલન કર્યું હતું, તેઓ આજે આ કપરા સમયમાં પણ સુરક્ષિત અને ઠીક છે.

‘હજુ પણ ઘણું મોડું થયું નથી…’

પોતાની પોસ્ટમાં કિયોસાકીએ રોકાણકારો અને સામાન્ય લોકોને હિંમત આપતા મહત્ત્વની સલાહ આપી છે કે, આ આર્થિક સંકટ વચ્ચે પણ પોતાની રણનીતિ બદલવામાં હજુ બહુ મોડું થયું નથી. તેમના મતે, દરેક મોટા આર્થિક ક્રેશ દરમિયાન જ્યાં લાખો લોકો બરબાદ થઈ જાય છે, ત્યાં જ કેટલાક એવા પણ ચતુર લોકો હોય છે જેઓ યોગ્ય રોકાણ કરીને પહેલા કરતાં પણ વધુ અમીર બને છે. કિયોસાકીએ ઉમેર્યું કે,

અમીર બનવા માટે કિયોસાકીની રોકાણ ફોર્મ્યુલા

રોબર્ટ કિયોસાકી અગાઉ પણ ઘણી વખત આવી ગ્લોબલ ક્રેશ ચેતવણીઓ આપી ચૂક્યા છે. સોશિયલ મીડિયા પર તેમના 2.9 મિલિયનથી વધુ ફોલોઅર્સ છે અને તેઓ સતત રોકાણ અંગે ટિપ્સ આપતા રહે છે. જો તેમની અગાઉની પોસ્ટ્સ પર નજર કરીએ તો, તેઓ આવી કટોકટીમાં બચવા અને અમીર બનવા માટે સોના-ચાંદી તેમજ ક્રિપ્ટોકરન્સીને શ્રેષ્ઠ માધ્યમ ગણાવે છે.